طريقه تحضير الدوناتس في البيت

《طريقه تحضير الدوناتس》

الدوناتس من الحلويات اللي ناس كتيره بتحبها، خصوصا لو كانت هشه من الداخل وطريه وغطاه بالشوكولاته او السكر.

والحلو في الدوناتس انك تقدري تعمليها في البيت بمكونات بسيطه موجوده عندك، ومش محتاجه تكوني محترفه في المطبخ عشان تطلع معاكي حلوه. كل اللي محتاجه شويه صبر أثناء العجن والتخمير، وبعدها هتستمتعي بأحلى دوناتس لذيذه زي المحلات

●《المكونات》

(1)- 3 اكواب من الدقيق الابيض

(2)- 3 معالق كبيره من السمر

(3)- معلقه كبيره من الخميره الفورية 

 (4)- نصف معلقه صغيره من الملح

(5)- كوب من اللبن الدافئ

(6)- بيضه واحده 

(7)- معلقه صغيره من الفانيليا 

(8)- 2 معلقه كبيره من الزبده بدرجه حراره الغرفه

(9)-زيت للقلي 

●《طريقه التحضير》

في البدايه هاتي طبق كبير وحطي فيه الدقيق والسكر والخميره والملح ، وقلبي المكونات الجافه مع بعض كويس. بعد كده أضيفي البيضه والفانيليا، وابدائي تنزلي باللبن الدافئ تدريجيا مع التقليب . مهم جدا إن اللبن يكون دافئ مش سخن ، لان اللبن السخن جدا ممكن يأثر على الخميره. 

ابدائي تعجني المكونات بايدك او استخدام العجان لو متوفر عندك. العجينه في الاول ممكن تكون لزجه شويه، لاكن مع العجن هتبدأ تتماسك . أضيفي الزبده وكملي عجن لمده حوالي 8 إلى 10 دقايق لحد ما تحصلي على عجينه ناعمه وطريه مش بتلزق في الايد . بعد ما تخلصي العجن ، غطي الطبق بطوطه نضيفه او كيس مناسب، وسيبي العجينه في مكان دافئ لمده حاولي ساعه. او لحد ما حجمها يتضاعف . وهنا اهم حاجه متستعجليش. التخمير الجيد هو السر الأساسي في إن الدوناتس تطلع هشه وخفيفه.

لما العجينه تختمر، رشي شويه دقيق على سطح نظيف وافردي العجينه بإستخدام النشابه، وخلي سمكها متوسط، مش رفيع جدا بإستخدام قطاعه دائريه او كوب،قطعى دوائر من العجينه، وبعدها اعملي فتحه صغيره في منتصف كل واحده. رتبي قطع الدوناتس على الصينيه عليها ورقه زبده وغطيها مره تانيه وسيبيها ترتاح حوالي 20 إلى 30 دقيقه 

بعد كده سخني كميه مناسبه من الزيت على نار متوسطه. لازم الزيت يكون ساخن لاكن مش شديد السخونة، لان لو الزيت سخن زياده الدوناتس هتتحمر من الخارج بسرعه وتفضل من الداخل مش مستويه . انزلي قطع الدوناتس في الزيت واحده واحده لحد ما تاخد لون دهبي جميل من الناحيتين. طلعي الدوناتس على مناديل المطبخ عشان تتخلص من الزيت الزايد . وسيبيها تبرد شويه قبل التزيين

●《 افكار لتزيين الدوناتس》

وهنا بقى الجزء الممتع ممكن تزيني الدوناتس بالشوكولاته المذابه ، سواء شوكولاته ساده او بالحليب،بعدها ترشي عليها جوز الهند او مكسرات مجروشه او شوكولاته ملونه وممكن كمان تعملي تغطيه بسيطه من السكر البودره 

ولو بتحبي الدوناتس المحشيه، ممكن تحشيها بالكريمه او الشوكولاته اة المربي بإستخدام كيس حلواني ودي بتكون جميله جدا خصوصا لو هتقدميها للضيوف او الأطفال وهنا نكون انتهينا من عمل الدوناتس ((جربوها وقولولي رائيكم))