طريقه عمل الكاب كيك في البيت
●《طريقه عمل الكاب كيك في البيت 》
الكاب كيك من الحلويات السهله والجميله اللى ممكن نعملها في البيت من غير مجهود كبير،وكمان ينفع يتقدم في المناسبات او كحلوى بسيطه مع الشاي والقهوه واحلى حاجه فيه انك تقدري تزينيه بطريقه التحبيها، سواء بكريمه او الشوكولاته او صو الكرام وممكن كمان ترشي عليه سكر بودر بس.
●《المكونات》
(1)- 2 كوب دقيق
(2)- 1 كوب سكر
(3)- نصف كوب زبده طريه او سمنه
(4)- نصف كوب لبن
(5)- 2 بيضه
(6)- 1 معلقه صغيره فانيليا
(7)- 1 معلقه صغيره بيكنج بودر
(8)- رشه ملح صغيره
●《طريقه التحضير》
في البدايه بنشغل الفرن على درجه حراره ١٨٠ درجه، ونسيبه يسخن كويس قبل ما ندخل الكاب كيك، الخطوه دي مهمه جدا عشان الكاب كيك يستوي بشكل متساوي ويطلع هش من جوه
بعد كده نحضر بوله كبيره ونحط فيها الزبده الطريه مع السكر ونبدأ نقلبهم مع بعض لحد ما الخليط يبقى فاتح وكريمي . مش لازم يكون عندك مضرب كهربائي . ممكن تستخدمي مضرب يدوي. عادي بس المهم اتك تخلطي المكونات كويس
بعدها نضيف البيض واحده واحده بعدها نضيف الفانيليا ونقلبها مع الخليط وتبدأ ريحه الفانيليا تظهر وتدي الخليط. ريحه حلوه جدا،
في بوله تانيه نخلط الدقيق مع البيكنج بودر ورشه ملح. بعد كده نبدأ نضيف الخليط بالتدريج على خليط الزبده والبيض ونضيف اللبن بالتدريج كمان الأفضل اننا نضيف شويه دقيق وبعده شويه لبن ونقلب بهدوء ونكرر الخطوه دي لحد ما المكونات كلها تخلص.
المهم اننا منبالغش في التقليب بعد إضافه الدقيق لان التقليب الزياده ممكن يخلي الكاب كيك تقيل بدل ما يكون هش وخفيف
نحضر قالب الكاب كيك ونحط فيه ورق الكاب كيك وبعدها نوزع الخليط في القوالب للآخر والافضل نملان كل واحده لحوالي ثلث القالب تقريبا . لان الكاب كيك هيزيد حجمه أثناء التسويه
ندخل القالب الفرن ونسيبه حوالي 18 إلى 25 دقيقه . والوقت ممكن يختلف من فرن للتاني. بعد حاولي 18 دقيقه نقدر نختبر الكاب كيك بخله خشب، ولو خرجت نظيفه يبقى كده استوي
لما نطلع الكاب كيك من الفرن نسيبه يبرد تماما قبل التزيين ودي خطوه مهمه جدا لان لو حطينا الكريمه او الشوكولاته وهو سخن ممكن تسيح ومش هتدي شكل حلو
بعد ما يبرد نبدأ مرحله التزيين،ودي بقى حسب زوقك. ممكن تعملي كريمه وتشكليها بكيس حلواني او تحطي شوكولاته مذابه وترشي فوقيها شوكولاته مبشوره او مكسرات وممكن كمان تضيفي الوان مختلفه للكريمه عشان الكاب كيك يبقى شكله جميل خصوصا لو هيتقدم في عيد ميلاد او مناسبه
وفي النهايه نحط الكاب كيك في طبق تقديم، وممكن نضيف عليه بعض حبات الشوكولاته او الفراوله او صوص بسيط وبكده يكون عندك كاب كيك بيتي طري وهش وشكله جميل جدا وطعمه احلى من الجاهز 
((جربوها وقولولي رايكم))
